AMCANION YR YSGOL

Gellir dosbarthu amcanion yr ysgol o dan y penawdau isod:

A. Gofal Bugeilol a Datblygiad Personol a Chymdeithasol
  A1 Helpu'r plentyn i adnabod ei hunan - ei gryfderau a'i wendidau.
  A2 Meithrin/plannu yn y disgybl barch at werthoedd crefyddol a moesol gan barchu eraill, eu heiddo a'u syniadau yn ogystal â pharchu ei hunan.
  A3 Meithrin cymeriad da yn y plant a'u hyfforddi i fyw bywyd da ar ôl gadael ysgol.
  A4 Annog y disgybi i ddatblygu fel unigolyn ac fel aelod o gymdeithas er mwyn ei baratoi ar gyfer bywyd fel oedolyn.
B Cwricwlwm Ffurfiol
  B1 Darparu cwricwlwm eang, cytbwys, perthnasol a gwahaniaethol.
  B2 Arfarnu'r cwricwlwm a'r cynlluniau gwaith gan gyflwyno newidiadau lle bo galw am hynny.
  B3 Cefnogi amrywiaeth eang o ddulliau dysgu ac addysgu.
  B4 Datblygu potensial pob plentyn yn llawn - yn academaidd ac yn gymdeithasol hyd eithaf ei allu..
  B5 Sicrhau bod pob plentyn yn medru cyfathrebu'n rhugl (ar lafar ac yn ysgrifenedig) yn y Gymraeg ac yn y Saesneg.
  B6 Sichrhau bod yr adnoddau dynol/cyllidol/adeiladau angenrheidiol ar gael i gyflwyno pob cwrs yn effeithiol ac yn effeithlon.
C Y Cwricwlwm Cudd
  C1 Meithrin y naws fod y plant yn gydradd beth bynnag fo'u hoedran, eu rhyw, eu gallu neu eu cefndir hiliol.
  C2 Darparu adnoddau mewn ffordd fydd yn adlewyrchu'r amcan cyntaf uchod.
  C3 Creu awyrgylch diogel a hapus o fewn yr ysgol.
CH Y Gymdeithas/Gymuned
  CH1 Ennill cefnogaeth a chydweithrediad rhieni yn addysg eu plant.
  CH2 Galluogi'r disgyblion in gymryd rhan lawn mewn cymdeithas ddwyieithog.
  CH3 Galluogi'r dysgyblion i werthfawrogi a gwneud defnydd effeithiol o'u horiau hamdden.
  CH4 Datblygu perthynas agos rhwng yr ysgol a'r gymuned leol ac i weithredu fel ysgol Gymunedol.
  CH5 Annog y disgyblion i ymfalchio yn eu hysgol, eu cymdeithas a'u gwlad.
  CH6 I feithrin balchder yn y disgyblion o'r iaith Gymraeg a diwylliant a threftadaeth Cymru.
  CH7 I ehangu gwybodaeth a deallusrwydd y disgyblion o'r gymuned leol, Cymru, Prydain a gwledydd eraill.
D Diwydiant a Byd Gwaith
  D1 Darparu'r wybodaeth, y sgiliau, cysyniadau a'r agweddau sy'n angenrheidiol i'r disgyblion i wynebu byd gwaith.
  D2 Ennyn sgiliau o hyblygrwydd yn y disgyblion a fydd yn eu galluogi i gwrdd â gofynion oes dechnolegol gyfnewidiol.